При изборот на публиката се трудевме колку што е можно повеќе да обезбедиме дека во салата ќе присуствуваат луѓе со различна професионална позадина, со различна возраст и со различни интереси. Ваквиот метод можеби изгледа неправеден бидејќи на некој начин позитивно дискриминира кон професии кои се помалку застапени во вкупниот број на пријавени на сметка на оние кои ги има најмногу, но ова е најдобриот начин што го препорачува TED и искуствата од предходни TEDx настани од ваков тип. Ние, воглавно, се водевме не само по строгите правила на TED туку и по срдечните препораки на луѓе од светот кои ги споделуваат своите искуства од TEDx.

Понатаму, во пријавата беше наведено дека личните податоци, т.е. генералиите, нема да играат улога при изборот на посетителите. Дававме бодови по сите други податоци и до ова се придржувавме толку цврсто што би се изненадил и човек што нѐ познава, но се чини дека нема начин тоа да го докажеме. Се работи за чесност и доверба. Доколку немате доверба, никако не би можеле да се оправдаме.

Не се сметаме за елита и да, некои од нас го предвидуваа ова.