Сигурно повеќето веќе забележавте, од вчера ДЕЗЕН.мк е со ново лого. Чисто типографско и во стилот на традиционалните дезени и везови. Мала симулациија на зашиени карактери која ја добив како идеја работејќи на сосем друг проект. Она што е најинтересно е што логото е направено за 5 минути и секој почетник во Илустратор може лесно да го научи и користи истиот ефект а да добие векторски производ. Доказ повеќе дека на прво место е идејата, посебно кај дизајнот на логоа. Ќе се обидам тоа да го направам со повеќе слики, а помалку текст.