Скопските свештеници од Македонската православна црква - Охридска архиепископија пред Божик место в црква ќе одат пред зградата на ВМРО-ДПМНЕ за да протестираат поради извршните решенија што ги добиле деновиве од Управата за јавни приходи.

Поголемиот дел од свештениците во Скопската и во Повардарската епархија добиле извршни решенија со кои од нив се бара веднаш да платат суми од 2.500 до 8.000 евра за персонален данок, што, според нив, е целосно неприфатливо.

...

Според нив, тие не можат да плаќаат данок за остварени приходи затоа што не се фирми. Уште понеприфатливо за нив е тоа што се бара наплата на давачки уште од 1995 година. На вратите на свештениците веќе тропаат извршителите.

„Ќе одиме со мантиите пред зградата на ВМРО-ДПМНЕ за да добиеме одговор зошто и како да ги најдеме овие пари. Зошто ни го прават ова? Па ние за нив чукавме камбани кога победија. Зар за сега да ни праќаат извршители“ - прашуваат свештениците.