По повод 26 април - Денот на излегувањето на првите партизани од Гевгелија и Гевгелиско, во организација на Општинскиот одбор на СЗБ-Гевгелија, беше положено цвеќе на спомен обележјата во Гевгелија.

Делегации на СЗБ-Гевгелија, предводена од претседателот Вано Вацев, на општина Гевгелија, предводена од градоначалникот Иван Франгов, на политичките партии, на Здружението на пензионерите, положија цвеќе на бистите на народните херои, на споменикот на Сава Михајлов, на бистите на првоборците-споменичари и на Спомен костурницата во Гевгелија.